رأيكم في الشباب يا بنات

هاااي كيفكم؟ اليوم عندي موضوع حلو للبنات وهوا وش رايكم في الشباب من كل النواحي يعني مو محدد
يلا ابغا اشوف ردووود

يالله أنا ببدا ..
طبعا بس مشكور سويت موضوعين واحد للبنات وواحد للشباب ^_^
المهم >> بلا قرقره خشي في الموضوع
أنا حتكلم عن الشباب بشكل عام يعني الصالح والطالح وأولا طبعا أبدا بالطالح بس بدون زعل لأن كل إللي حقولو من الواقع ......
كلنا شايفين بعنونا الشباب دي الأيام ماهمهم غير إنهم يهتموا بشكلهم وسياراتهم وخوياتهم ....إلخ
أنا عن نفسي ماحب الولد إللي همه بس يخرج والفلة ونهاية الأسبوع جمعة اصحاب ورايحين يفلوها بالتحلية ولا بالدرة ولا المرسى وأقل حاجة روحتهم للحمرة ياشيخ والله بجد يجزعوا يالبسوا ديك الألوان إللي تسد النفس ولا عاملين نفسهم قال كول وبجد كثير أعرف بنات آخدينهم ونس بس حقت وقتها وشي يعني في المستقبل أحس إنه ماراح يقدر يستحمل شي إسمه عيلة وعيال وحرمة يهتم فيها لأن الأساس حقه ماكان تمام يعني هوامحسب نفسه لو كلم بنت وكان عنده خويه وياخدها معاه ويطلعوا مع بعض إنوا إللي بيسويه حاجة يعني روشة ولا حلوة
ولا لمن يكون لا بس ذيك البناطيل إللي الله يستر بس عليه بالقوة نسميه بنطلون والشعر إللي داسس جوته التسريحة مع الدولاب من كبره ولا التيشيرت البمبي ياناسوا عليه دلوع الماما .... ماقول غير الله يهديهم دي الأشكال إللي زي كدة لالا وبجد في شباب كذابين بشكل فظيع طول الخط وهوا يكذب حتى نزلته للبقالة يكذب فيها قال يقول لأمه أنا رايح المكتبه مثلا أدرس وياقلبي آخذ ديك السيارة وطالع مع خويته على البحر ولا رايح يقابلها يمكن في المكتبه ههههههه
وأمه ياقلبي عليها تدعيله الله يوفقه الله ييسرله الله الله >> عن نفسي أقول الله ياخده من اول إشارة ماحز في قلبه شكلها وهيا تدعي ولا نهاية السنة جايبتله ديك السيارة الفلانية إللي طلبها ...
في النهاية حسبي الله ونعم الوكيل لناس ماعندهم قلب ولا إحساس (إنك لا تهدي من أحببت ولا كن الله يهدي من يشاء )

ثاني شي كلامي ماكان ضد الأولاد بشكل عام لأن بجد في فئة من الشباب بس هيئتهم ترفع قدرهم في العيون صح متكشخ ولا بس بس لا بس بالعقل شي يناسبه ويروح مولات ودرة ومرسى وكل كل مكان بس برضه مؤدب
يعني رايح يتونس لأنوا يبغى يتونس ويبغى يفلها مو رايح عشان أغراضه الشيطانيه ويملا عيونوا بأشياء بجد تحط من قدره بس هذا كلوا يرجع للتربيه واولا للشخص نفسه ليش مايطل في المراية وفي شكله بس الغباااااااء يمكن آخذ مساحة من مخوا

>>>> شكلي بجد مرررررررررة طولت وصح هذا مش كل إللي بقلبي
بس خلاص تسلم على الموضوع الرائع مع تحياتي

ســــالليل ــــــكون

ماخليتي شي ماقصرتي نتفتيهم نتف؟
قلبك اجل مخزون ومخزن الله يستر من اللي ماطلع؟


تقبلي مروري

كدابين في كل شئ حتى الحب هع

مساء الخير على الجميع اولا ثانيا انا باقول رائيي في الشباب اليوم بصراحه شباب اليوم عندهم عدمم تحمل مسؤليه في اغلب الامور ولا مبالاه في اي شئ عندهم الكذب كثرة الخيانه التقليد الاعمى للغرب من دون وعي في البس وفي كل شئ من دون تفكير وهذا الكلام مش عام لكل الشباب بس الاغلبيه 0

سلام ليش كلكم رايكم مو حلو في الشباب انا راي صراحه والله انهم فلها وعايشين حياتهم ونااااااااسه واحسن من البنات با الف مره

والله عن نفسي اقول ان في من الشباب الحلو والمعفن وفي منهم الطيب والشرير بس الاغلبية يعاكسون والمشكلة ينسب وينهان وعادي ماعنده احساس يكمل ع الثانية وبالمرررررررررة يقهروني لمن يبتسم لك ولا يديكي الرقم اه اه اه اه اه قهر بس على العموم همة بالمرررررررررة فله بعني اذا يبغوا يستهبلوا انصحكي تجين عنهم بس مالي دخل اذا سو مقلب فيكي